info@cwf2024.eus
  • Galderarik?
  • EN
  • EU
  • ES
Creativity World Forum 2024Creativity World Forum 2024Creativity World Forum 2024Creativity World Forum 2024
  • CWF24ri buruz
  • Txostena
  • Egitaraua
    • CWF24 Arlo Tematikoak
      • AT1 – Gobernantza eta KSIak
      • AT2 – Berrikuntza KSIekin eta haien barruan
      • AT3 – KSIetako enpresa eta merkatuak
      • AT4 – Hezkuntza eta ikerketa KSIetan
    • DC Living Labs
    • Hizlariak
  • Non?
    • Euskadi ezagutu!
      • Bilbao
      • Donostia/ San Sebastián
      • Vitoria-Gasteiz
    • Ekitaldien egoitzak
    • Hotelak
    • Galderarik?
  • Zuzenean

Kultura- eta sormen-industrietako enpresak eta merkatuak

    Home Kultura- eta sormen-industrietako enpresak eta merkatuak

    AT1 gobernantza eta KSIak

    AT2 Berrikuntza KSIen sektoreekin eta haien barruan

    AT3 Kultura- eta sormen-industrietako enpresak eta merkatuak

    AT4 Hezkuntza eta ikerketa KSIetan

    Kultura- eta sormen-industrietako enpresak tokiko merkatuetan eta merkatu globaletan azkarrago sortu eta aintzatetsi daitezen lortzea, monetizatzea, jasangarritasuna eta alde guztien aberastasuna sustatzeko ekimenak edo zerbitzuak aplikatuta.

    Erakunde koordinatzailea

    Basque District of Culture and Creativity

    Erronkak

    1. Erronka
    Zerbitzuen baterako sorkuntza

    2. Erronka
    Tokiko merkatuak eta merkatu globalak

    3. Erronka
    Kapital pribatuaren inbertsioa eskuratzea

    3.TAren barruan, CWF24 fororako hautatutako kasuak: KSIetako enpresak eta merkatuak

    DISCE: SORMEN-EKONOMIA INKLUSIBO ETA JASANGARRIEN GARAPENA

    1. erronka:
    zerbitzuen elkarsorkuntza

    Erakunde

    WEB

    Harremanetarako pertsona

    Valeria Pica (valpica@gmail.com)

    Jatorria

    DISCE (sormen-ekonomia inklusibo eta jasangarrien garapena) hiru urteko proiektua izan zen, Finlandiako, Italiako, Letoniako eta Erresuma Batuko ikertzaileak bildu zituena. Europako Batzordeak finantzatu zuen, Horizon 2020 programaren bidez, eta ikerketak ekarpen nabarmena egin zion EB osoko sormen-ekonomien ulermenari. Proiektuak eskualdeko kasuen hamar azterketa eta EB osoko mapaketa kuantitatiboa konbinatzen ditu eta taldearen ezagutzak, zeinak oso diziplina artekoak baitira, aprobetxatu ditu. Goi-mailako irakaskuntzaren, gaitasunen garapenaren eta sormen-lanaren arteko harremanak ikertu ziren, baita goraka ari diren enpresa-ereduak, mapaketa kuantitatiboa hobetzeko aukerak eta sormen-ekonomien «hazkundea» zertan datzan eta zergatik den baliotsua ulertzeko modu berriak ere. Proiektuaren erdigunean galdera hau dago: nola izan daitezkeen inklusiboak eta jasangarriak etorkizuneko sormen-ekonomiak. Kontu horri heltzean, ikerketak akademikoentzat, arduradun politikoentzat eta profesionalentzat baliotsuak diren ikuspegi enpiriko eta kontzeptual berriak sortu zituen.

    Ibilbidea

    Aztertutako Europako hamar ekologiei buruzko datu enpiriko gehienak COVID-19a sortu eta gero bildu ziren. Pandemiak eta haren ondoriozko murrizketek Europako sormen-ekonomiei eragin zietenez, ulergarria da COVID-19a aipatzea ikerketetako parte-hartzaileek beren sormen-lanaz hitz egin zutenean. COVID-19arekin zerikusia duten alderdi guztiak eztabaidatzea proiektuaren irismenaz haraindi doa, sormenaren arloko langileengan izan zuen eragin nabarmena dela eta. Beraz, pandemiak lehen bazeuden erronkak agerian jarri ditu, baina batez ere egiturazko kontuak dira, ez COVID-19aren emaitzak. Hala ere, COVID-19ak beren lana egiteko eta bizimodua ateratzeko ordezko moduak bilatzera bultzatu ditu sormenaren arloko langileak.

    Inpaktu positiboa

    DISCEk egoera zehatzetan erreakzionatzeko, jarduteko eta erabakitzeko gomendioak proposatu zizkien alderdi parte-hartzaileei, kulturaren eta sormenaren industrien eremuan hazkunde inklusiboa eta garapen jasangarriaren aurrerapena susta ditzaten. Lortutako inpaktuen sorta bi alderditan taxutu zen: pertsona indibidualarengandik gizartera eta ekonomia-arlo soiletik arlo soziokulturalera. Ikerketaren helburua zen enpresa-eredu berriak eta hazkundea errazten dituzten faktoreak eta oztopoak, diru-sarreren logikak eta KSIetako inklusiorako, jasangarritasunerako eta hazkunderako eragile independenteak ulertzea. Horrela, enpresa-ereduei, estrategia erresilienteei eta irtenbide berritzaileei ekarpena egin zitzaien, digitalizazioa, finantzaketa-ereduak eta jabetza intelektualeko eskubideen babesa barne hartuta, sektore guztietako enpresentzat.

    Hazkuntza eta lankidetza

    DISCE proiektuaren xedea izan zen KSIen berariazko testuinguruak hobeto ulertzea eta alderdi interesdunen beheranzko eta goranzko elkarlana sustatzea, KSIen garapenean benetan europarra den ikuspegi baterantz aurrera egiteko asmoz. Ikuspegi horren emaitza nagusietako bat Italiako lehen Hiri Behatoki Kulturalaren sorketa izan zen, L’Aquilako Udalarekin elkarlanean. Bertan, alderdi interesdunen elkarlan estua, elkarsorkuntza eta partaidetza ikuspegi garrantzitsutzat jo dira Hiri Foroa eta CHILD (kultura-ondarea, berrikuntza eta toki-garapena) Udako Eskola abiarazteko, eskualdeko erakunde publikoekin, hirugarren sektorearekin, KSIen sareekin eta sektore guztien ordezkariekin sustatuta.

    SORMEN-INDUSTRIETARAKO TARTU ZENTROA

    1. erronka:
    zerbitzuen elkarsorkuntza

    Erakunde

    Centro Tartu Para Industrias Creativas
    WEB

    Harremanetarako pertsona

    Külli Hansen (kylli@lmk.ee)

    Jatorria

    Tartu Kulturaren Europako Hiriburua da 2024an eta haren bihotzean, non sormena eta berrikuntza nahasten diren, Sormen Industrietarako Tartu Zentroa (TCCI) altxatzen da, sektore horren eskualdeko gidari. TCCIren misioa da sormen-industrien tokiko enpresei arrakasta lortzen laguntzea. Lehen urratsetan dauden eta beren ametsak martxan jarri nahi dituzten enpresaburuak izan zein beren presentzia finkatu nahi duten profesional esperientziadunak izan, TCCI laguntza emateko prest dago.

    Ibilbidea

    TCCIk enpresa sortu berriei lehen urratsetan laguntzen die, neurrirako inkubazio eta garapeneko programa baten bitartez, zeinak enpresa-aholkulari pertsonalak, mentoreak, enpresa-azoketan eta beste ekitaldi batzuetan parte hartzea eta enpresa-aholkularitza espezializatua barne hartzen dituen.

    TCCI zenbait ekitaldi eta ekimenen antolaketan parte hartzen du, adibidez:

    • Estoniako Moda Jaialdia
    • Arte berriaren enkantea
    • HOPP DISAIN diseinu-denda eta galeria
    • Tartuko Zinemaren Eskualdeko Funtsa

    Ekimen horiek eskaintzen dituzten jardueren eta askotariko trebakuntza-programen bitartez, TCCIk hiriaren erakargarritasuna areagotzeko eta eskualdeko enpresa-garapena eta dibertsifikazio ekonomikoa pizteko lan egiten du.

    Inpaktu positiboa

    Abian egon den 15 urteetan, 150 enpresa baino gehiago sortu dira TCCIren laguntzarekin. Tartu hiria sormen-ekonomiako enpresen mintegia bihurtu da, non gazte sortzaileek laguntza baitaukate beren enpresak sortzeko eta garatzeko prozesuan. KSIen sektorean diharduten enpresen kopuruak gora egin du, hiriak hiri sortzaile gisa duen erakargarritasunak bezala.

    Hazkuntza eta lankidetza

    TCCI moda jasangarriari eta zinema-industriei buruzko nazioarteko proiektuak garatzen ari da. Interes eta behar berak dauzkaten enpresa guztiekin ideiak trukatzeko eta elkarlanean aritzeko prest gaude.

    STICHTING THEATER ARTEMIS

    2. erronka:
    merkatu globalak eta lokalak

    Erakunde

    WEB

    Harremanetarako pertsonak

    Annemiek de Goey (annemiek@artemis.nl) y Klaas Tops (klaas@artemis.nl)

    Jatorria

    Theater Artemis gazteentzako antzerki-konpainia aitzindaria da eta Den Bosch-en (Herbehereak) du egoitza. 2013an, Jetse Batelaan konpainiako zuzendari artistikoa bihurtu zen eta antzerki-forma berritzaileak eta gazteentzako esperientzia kilikagarriak sortu zituen.

    Gure doikuntzak jardunbide egokitzat jo dira. Ekoizteko gure modu orokorraren ondoriozkoak dira, bideragarritasuna printzipio gidaritzat baitugu, jasangarritasunarekin eta errentagarritasunarekin batera. Berrikuntzan eta elkarlanean ardaztuta, antzerkia ekoizten dugu, hitzaren zentzu zabalenean. Herbehereetako, Belgikako eta gure ondoko herrialdeetako zenbait antzokitan egiten ditugu emanaldiak. Antzerki berriaren produkzioa da gure jarduera nagusia. Alde batetik, antzokietan ikuskizun esperimental berriak antzezten ditugu. Bestetik, gutxiago arriskatu nahi duten antzokietan, gure ikuskizun arrakastatsuen berremanaldiak aurkezten ditugu. Funtsean, berremanaldiekin antzezpenen, antzokien eta ikusleen kopurua nabarmen handitu dezakegu. Gainera, atzerrian aldizka jokatzea ahalbidetzen digute. Eta, batzuetan, ikuskizun berbera berriz antzeztea da asmoa. Agian ez garelako gai Jetse Batelaanen zuzendaritza-eskaria betetzeko. Edo emanaldi asko eskatzen dizkigutelako.

    Ibilbidea

    2014an, Jetse Batelaanen lehen antzezpenetako bat eszenaratu genuen eta denboraren iragatea jasan zuela egiaztatu genuen. Orduz geroztik, haren errepertorioari heldu diogu, zeina 2001etik eraikitzen joan den. Berremanaldien birak egiteak eta obra bera berriro antzezteak abantaila gehigarri bat dakar, alegia, gure inbertsioaren errendimendua ezin hobea dela. Halaber, aurrekontura doituta potentziala handitzea ahalbidetzen digu.

    Inpaktu positiboa

    Bidaiatu gabe eta muntaketarik errepikatu behar izan gabe 30 ikuskizun eszenaratzea jasangarria da. Antzezpen berean lan egitean, lekua eta lan egiten duzun jendea ezagutzea eta ulertzea lortzen duzu. Funtsean, harri batez hiru txori hiltzen dituzu: denboraren erdian ekoizten duzu, gastuen erdiarekin eta arrakasta bermatuta daukazu. Eta, gainera, mozkinak lor ditzakezu.

    Hazkuntza eta lankidetza

    Berrikuntzan eta lankidetzan ardaztuta, nazioko eta nazioarteko lankidetzak hedatu eta zabaldu nahi ditugu, elkar indartu dezaten. Gure lanean berariazko interesa duten programatzaileekin harremanetan jartzea eta egotea espero dugu. Baita Jetse Batelaanengan interesatuta daudenekin ere, gure konpainiarekin lotutako artista guztiek gogoan hartzen baitute.

    Atzerrian egindako antzezpenen kopurua urtez urte aldatzen denez, helburuetako beste bat litzateke antzezpenak programazio batean oinarrituta errepikatzea.

    GARAPENERAKO LABORATEGI KULTURALA (EGIPTO)

    2. erronka:
    merkatu globalak eta lokalak

    Erakunde

    WEB

    Harremanetarako pertsonak

    Nairy AbdElShafy (n.abdelshafy@gmail.com)

    Jatorria

    Egiptok agertoki kultural bizia dauka, baina masa-kultura, neurri handi batean, garapen-kontuez axolagabetzen da. Agertoki kultural «independente» paraleloak arazo finantzarioak dauzka eta haren irismena mugatu samarra da, batez ere Kairon eta Alexandrian.

    Garapen komunitarioko GKE batzuek zerbitzu artistiko eta kulturaletarako sarbidea ematen diete leku marjinatuetako haur eta gazteei. Era berean, kultura-sektoreko profesional independente batzuek kultura-ekintza inspiratzaileak zuzentzen dituzte garapen-xedeekin. Gure proiektuaren asmoa da inpaktu handiko ekimen sortzaile horiek ugaritzea eta haien irismena urrutiko zona eta komunitateetara zabaltzea.

    Ibilbidea

    Gure proiektu pilotua ikaskuntza-laborategi bat da eta aurreikusita daukagu urriaren erdialdean abiaraziko dugula. Haren helburua da kulturako 15 profesionalen eta garapen-eremuaren artean zubi bat eraikitzea, garapenarekin lotutako xede bat daukaten kultura-ekintzen kopurua eta kalitatea handitzeko asmoz. Laborategiak 24 egun irauten du, zortzi hilabetean, eta hiru prozesu lotzen ditu: ikaskuntza, ezagutzen sorketa eta tokian tokiko ekintza.

    Inpaktu positiboa

    • Programako parte-hartzaileen % 80k gutxienez adierazten dute beren xedearen eta kultura-ekosisteman bete dezaketen zereginaren ikuspen argiagoa lortu dutela.
    • Programako parte-hartzaileen % 80k gutxienez frogatu dute kultura-lanaren eta garapen jasangarriaren arteko lotura hobeto ulertu dutela.
    • Diseinatutako kultura-ekintza guztiak profesional esperientziadunek berrikusi dituzte.
    • Kultura-ekintza guztiek frogatu dute parte-hartzaileek ondo ulertu dituztela bai kontzeptuak bai laborategiaren aurreko faseetan landutako tresnen erabilera.
    • 500 pertsonak gutxienez, marjinatutako lau komunitatetakoek gutxienez, atera diete etekina gauzatutako kultura-ekintzei.
    • Aplikaturiko kultura-ekintzen arrakasta-adierazleen % 70 gutxienez bete dira.

    Diseinatutako eta gauzatutako kultura-ekintzak eta Laborategi Kulturaleko programaren ikaskuntzak eta emaitzak bi komunikabide-formatutan argitaratu edo ekoitzi dira gutxienez.

    Hazkuntza eta lankidetza

    Honako hau espero dugu:

    • Kulturako profesionalak inspiratzea, 15 pertsonako hasierako kohortetik haraindi, garapen jasangarriarekin lotutako gaiekiko konpromisoa har dezaten.
    • Kulturako profesional gazteenen eta esperientzia handiena dutenen arteko konexioak sortzea, proiektuaren bizialdiaz haraindi babesa eta mentoretzak jaso ditzaten.
    • Proiektuko gogoetak, irakaspenak eta prototipoak zabaltzea, tokiko, eskualdeko eta nazioarteko zenbait kanal kulturalen bitartez, batez ere arabierazko kanalen bitartez.
    • Arduradun politiko interesatuei laguntzea, garapen jasangarria kulturan integratzean egindako gogoetei eta lortutako irakaspenei buruzko dokumentazioa emanez.

    WINWINNER MAILEGUEN BIDEZ PARTAIDETZAZKO FINANTZAKETA AHALBIDETZEA ENPRESAK HAZARAZTEKO

    3. erronka:
    pribatuaren inbertsioa

    Erakunde

    WEB

    Harremanetarako pertsona

    Van Peer Stig (stig@winwinner.be)

    Jatorria

    2006ko irailetik, partikularrek aukera dute enpresa txiki eta ertainei (ETEei) laguntza emateko, baldintza fiskal onuragarriak dituzten maileguen bitartez, Flandriako Gobernuak zati bat bermatuta. Ekimen horri Winwin mailegu esaten zaio eta iturri tradizionaletatik, hala nola bankuetatik, inbertitzaile probidentzialengandik eta arrisku-kapitaleko enpresetatik, finantzaketa lortzeko zailtasunak dituzten ETEei laguntzeko diseinatu zen. Haren helburu nagusia zen lagunengandik eta ahaideengandik zetozen maileguak erakargarriago egitea. Hala ere, gure oraingo zuzendari nagusia, Matthias Browaeys, web-plataforma bat sortzeko inspiratu zuen, non enpresaburu belgikarrak eta tokiko inbertitzaileak harremanetan jar daitezkeen. Horrela jaio zen Winwinner.

    Zergatik, ordea, maileguen bidezko partaidetzazko finantzaketa? Alde batetik, ekintzaileei gero eta zailagoa egiten zitzaien behar zuten finantzaketa guztia iturri tradizionaletatik lortzea. Bestetik, belgikarrek aurrezki-pila handia zeukaten, 300.000 milioi euro baino gehiagokoa, eta ez zeukaten inbertsio-aukera bikainik. Bai ekintzaileak bai inbertitzaileak beren hazkunde-planak bat etorraraziz irabazle ateratzeko aukera ikusi genuen. Maileguen bidezko partaidetzazko finantzaketa aurrezki ezkutuak aktibatzeko eta bide batez tokiko ekonomia bultzatzeko modu ezin hobe gisa sortu zen.

    Ibilbidea

    Gure ibilbidean mugarri garrantzitsu batzuk egon dira. Winwinner 2016an sortu zen eta urtero taldearen tamainari, optimizazioari eta finantzaketa-bolumenari dagokienez hazi gara. Unerik garrantzitsuena 2020an heldu zen, FSMAk ordezko finantzaketa-plataforma izateko lizentzia ofiziala eman zigunean. Kalitate-zigilu horrek gero eta interes handiagoa piztu zuen bai ekintzaileen bai inbertitzaileen artean eta gure eskaintza zabaltzea ekarri zuen, mendeko mailegu arruntak gehituz. 2022an, gure hazkunde-planetan inbertitzeko milioi bat euroko finantzaketa-txanda bat arrakastaz burutu genuen. Ahalegin horri esker, Europako lizentzia lortu genuen eta urte horretan bertan zor pribatuko gure lehen Winwinner funtsa, 30 milioi eurokoa, sortu genuen.

    Horrela, Winwin maileguetan ardaztutako administrazio-bitartekaria izatetik maileguen bidezko partaidetzazko finantzaketa-plataforma digitala, zeinak ekintzaileen eta inbertitzaileen arteko konexioak errazten dituen, izatera pasatu ginen eta, azken finean, ETEen finantzaketa-behar handienak betetzeko zor-funts batekin lotutako mota horretako finantzaketarako plataforma europarra bihurtu ginen.

    Beraz, gure ibilbidea oztopoz eta gorabeheraz beteta egon da, baina aukeraz ere bai. Hasieran aldaketa puntual bat sortu genuen, aukera tradizionalekin batera finantzatzeko modu gisa. Hala ere, aldaketa sistematikoa bihurtzen ari da, zeinean maileguen bidezko partaidetzazko finantzaketa ekosistema izatera hel baitaiteke finantzaketaren munduan.

    Inpaktu positiboa

    Gure egungo inpaktuari buruzko ideia bat izateko, 11.000 belgikarrek baino gehiagok erabaki dute beren aurrezkiei gure plataformaren bidez gehiago emanaraztea. 400 ETE baino gehiagotan inbertitu dute, hain zuzen ere, 55 milioi euro baino gehiago guztira. Kanpaina bakoitzeko batez besteko finantzaketa 260.000 euro dira eta inbertsio-tiketen batez besteko tamaina, berriz, 2.500 euro. Winwinner-ek zenbait sektoretako enpresak babesten ditu eta gure inpaktua handitu nahiko genuke, ETEei finantzaketaren eta hazkundearen bilaketan lagunduz; izan ere; ETE askok hazteko zailtasun larriak dauzkate kanal tradizionalek, hala nola bankuek, interes txikiagoa edukitzearekin lotutako finantzaketa-arazoak direla eta.

    Hazkuntza eta lankidetza

    Etorkizunari begira, gure hurrengo mugarriak 100 milioi euroko funts apalankatu bat sortzea dakar. Funts horri esker, enpresa gehiagori lagundu ahalko diegu finantzaketa bilatzen. Gainera, Europako merkatuan aukerak arakatzen ari gara, gure eragiketak atzerrian zabaltzeko helburuarekin. Tokiko gobernu eta alderdiekiko konexioa lagungarria izan daiteke maileguen bidezko partaidetzazko finantzaketaren Europako ekosistemaren inpaktua handitzeko.

    ENPRESA BERRITZAILEEN SORTZAILEEI LAGUNTZEKO PROGRAMA INNOVATIEVE STARTERSSTEUN (ISS)

    3. erronka:
    pribatuaren inbertsioa

    Erakunde

    vlaio
    WEB

    Harremanetarako pertsona

    Benedicte De Buck (Benedicte.debuck@vlaio.be) y Emily Dhaeze (emily.dhaeze@vlaio.be)

    Jatorria

    Proiektu pilotu gisa jarri zen martxan ISS enpresa berritzaileen sortzaileei laguntzeko programa, proiektu txiki berritzaileei modu bizkor eta sinplean laguntza eskaintzeko, eskatzaileei eta VLAIO agentziari begira. Etengabeko laguntza-programa bat izan da 2023az geroztik.

    Flandrian hazkuntza ekonomiko jasangarria lortzea da helburua, eta, horrekin batera, ekonomia osoan eta gizartean berrikuntza sustatzea, eta Flandriako enpresen produktibitatea lehiakortasuna eta ongizatea oro har berrikuntzaren bidez hobetzea.

    Inplikatutako bazkideen artean dagoen lankidetza egokiaren laguntza duen balio-programa bat da ISS. Bost ebaluazio-irizpideek (aitzindari-rola, zalantzak eta planteamendua, taldea eta sarea, arrisku propioa eta inpaktua) gerora dirulaguntzen eta orientazio-zerbitzuen bidez jasotzen duten enpresa berritzaileen sortzaileen hautaketa on bat egitea ahalbidetzen dute. Hiru urtean, 212 proiektu lagundu eta ikuskatu dira.

    Ibilbidea

    Ebaluazio zehatz baten ondoren VLAIO agentziak eta bazkide guztiek ebaluaziorako beharrezkoa duten gaitasuna kontuan izanda, 2024tik aurrera espedienteak modu jarraituan aurkezteko aukera eskainiko duen programa bihurtuko da, urte natural bakoitzeko bost ebaluazio-une finko barnean hartuko dituena.

    Ebaluazio-uneen sarritasuna handitzean, espedienteen izapidetze-denbora gutxitzen da eta enpresen sortzaileen kopuru handiagoarengana iritsi daiteke.

    2024tik aurrera izango da ebaluazioa eta arloan aditua den epaimahai zabal batek, enpresa-aholkulariek eta proiektu-aholkulariek osatuko dute. Proiektuak epaimahaiaren aurrean aurkezten diren unea erabakigarria da subentzionatutako proiektuak hautatzeko.

    VLAIO agentziako enpresa-programen taldearen ikuspegia prestaketa-fasetik hautatutako enpresen sortzaileei eskainitako orientazio-fasera igarotzen da eta, bereziki, hazkuntza-anbizio handiak dituztenei dagokienez.

    Ekitaldi bat martxan jartzen ari da VLAIO agentzia ekintzaile zaharrekin batera, eta 2023ko abenduan egingo da, enpresa berritzaileen sortzaileen jarraipen etengabe eta zabala egiteko asmoarekin. Laguntza eta orientazioa ere eskaintzen die hazteko potentzial handiena duten enpresa berrien sortzaileei beren jarduerak zabaldu ditzaten.

    Inpaktu positiboa

    Enpresen bilakaera ekonomikoaren azterketa bat egiten da urtero

    • Egoera juridikoa
    • Balantzearen guztizkoa
    • Ekitatea
    • Jaulkitako kapitala
    • Enplegua

    Gutxienez bi finantza-ekitaldi dituzten enpresekin solik egin daiteke hori. Gaur egun, ez dago behar besteko daturik azterketa egoki bat egiteko. Azterketak interesgarriagoak dira finantza-ekitaldi gehiago eskuan izanez gero. Enpresetara ere bideratzen da, posiblea eta nahigarria denean, enpresa horien ondorengo bizi-etapetan.

    Hazkuntza eta lankidetza

    Enpresa berrien sortzaileak 12 bazkideren bidez (Agoria, Sirris, Imec.istart, Voka, Unizo, Netwerk Ondernemen, Start-it @ KBC, Birdhouse, Flanders Space, Flanders DC, Flanders’ FOOD, LRM – Limburg Startup) sartzen dira ISS programan, baita VLAIO agentziaren enpresa-taldearen bidez ere. Jarraitzea eta, ahal dela, lankidetza hori areagotzea da asmoa.

    MOTMO.pro (Euskadiren kasua)

    2. erronka:
    merkatu globalak eta lokalak

    Erakunde

    WEB

    Harremanetarako pertsona

    Bruno de Zabala (bruno@motmo.pro)

    Jatorria

    10 urte baino gehiago daramatzagu musika-eskubideak kudeatzen eta ikusi dugu material ofizialaren gabezia izugarria dagoela jada sortutako abesti bat jotzen ikasteko. Hiru fundatzaileak musikariak dira, eta, hori horrela, oso gustuko dute aurre egin behar dioten erronka: abestia iturritik zuzenean jotzen ikasi ahalko den plataforma bat sortzea, abestia sortu zuen jatorrizko artistaren eskutik.

    Unitate fisikoen bidez diru-sarrerak sortzetik ia osorik formatu digitalean egitera igaro da azken urteetan musikaren industria, hainbat plataforma ugaritu izanari esker, hala nola Spotify, Deezer edo iTunes. Krisi izugarri baten ondoren, industria hazten ari da berriz ere.

    Haatik, duela 40 urte baino gehiago utzi zioten musika-editoreek partiturak sortzeari eta artistek berek kudeatzen dituzte egile-eskubideak irratian, telebistan eta kontzertuetan. Ezagutzen hutsune izugarria eragin du horrek. Hori dela-eta, musika-editoreak oso prest daude gurekin lan egiteko eta beren katalogoa digitalizatzeko, diru-sarrera digitalen iturri berri bat sortuz. 40 editore baino gehiagorekin lortu ditugu jada akordioak, Warner Music etxearekin haien artean.

    Ibilbidea

    Arazoak genituen Interneten abestiak erreproduzitzeko modu egokia aurkitzeko, eta, hori horrela, egun batean arazo hori konpontzeaz hitz egin genuen, eta, zorionez, motmo plataformak egin nahi zuena arazo horri aurre egiteko modurik onena zela konturatu ginen.

    Norabide egokia aukeratu ote dugun jakiteko, plataforma erabili duten 560 pertsona baino gehiago inkestatu ditugu eta horri esker egiaz baliozkotu dugu proiektuaren balio-ekarpen handiena zera dela, artistek berek beren abesti onenak jotzen irakasten dutela eta horixe da, hain zuzen ere, gure plataformaren helburua eta ideia nagusia.

    EMAITZAK:

    Beren abesti propioak jotzen irakasten duten jatorrizko artistak – % 61,1.
    Eduki esklusiboak (hala nola elkarrizketak, xehetasunak, eta abar) – % 55,4
    100 talde baino gehiago – % 37,3
    Harpidetza-prezioak – % 13
    Nola ikasi daitekeen azkar batean abesti bat jotzen – % 7,9
    Beste batzuk – % 3,9

    Eusko Jaurlaritzaren laguntza handia jaso dugu ideia garatzeko, baita arrisku-kapitalaren eta zenbait etxe diskografikoren finantzaketa ere.

    Inpaktu positiboa

    4. GJH: Kalitatezko hezkuntza. Justifikazioa eta inpaktua:
    4.4 azpihelburua:

    • Gaitasunak hobetzea: pro plataformak hainbat mailatako ikastaroak eskaintzen ditu, eta horrek erabiltzaileei beren musika-abileziak handitzea ahalbidetzen die beren hasierako maila edozein izanda ere.
    • Inklusioa: kalitatezko musika-hezkuntza izateko posibilitatea eskaintzen die mundu osoko erabiltzaileei, edozein tokitan daudela ere.

    4.7 azpihelburua:

    • Hezkuntza eta kultura: elkarrizketa eta eduki gehigarrien bidez, musikaren ezagutzan, konposizioan eta artistek erabilitako tekniketan sakontzen dute erabiltzaileek.

    8. GJH: Lan duina eta hazkunde ekonomikoa. Justifikazioa eta inpaktua:

    • 8.2 azpihelburua:
      • Berrikuntza eta modernizazioa: Adimen Artifizialeko teknologiak eta ikusmen artifiziala sartzen ditu plataformak partituren transkripzioa optimizatzeko, sormen-prozesua berrituz eta modernizatuz.
    • 8.3 azpihelburua:
      • Ekintzailetza: artistei lagunduko dien negozio-eredu bat sustatzea, aldi berean enplegu-sorkuntza eta enpresa-aukerak bultzatuz musikaren eta teknologiaren sektorean.
    • 8.6 azpihelburua:
      • Gaitasunen garapena: gazte eta helduetan musika-gaitasunak garatzeko bideratzaile-lanak egiten ditu plataformak, musikaren esparruan enplegu- eta ekintzailetza-aukerak eskainiz.

    Hazkuntza eta lankidetza

    Gure proiektuaren lehenengo bertsio batean, eskuz garatu zen partituren sorkuntza, Adimen Artifizialeko ereduak zeregin honetarako erabiltzea ez baitzegoen hasierako planetan jasota. Lan delikatu honen konpentsazio gisa, 1.000 abesti baino gehiago bildu ziren, bakoitza 210 segundoko batez besteko iraupenarekin. Eskuragarri dagoen abesti bakoitzak jatorrizko audio-seinalea eta segundo bakoitzeko 25 fotogramako abiaduran grabatutako bideoa dauzka. Bost milioi iruditik gorako datu multzoa sortzen du horrek eredua entrenatzeko.

    Eskubideen % 100 eta jatorrizko edukirako erabateko sarbidea eduki ahal izatean, datu-base erabat berritzailea sortu ahalko da musika-industriaren sektorean eta horrekin modu esanguratsuan hobetu ahalko dira gaur egun erabat eskuz egikaritzen diren prozesuetako asko.

    Partiturak sortzeko sistema garatzeari dagokionez, bada  motmo.pro plataformak gainditu behar duen oztopo bat ere. Idatzitako datuen kantitate handi bat biltzea eskatzen du proiektuak adimen artifizialeko ereduek zehaztasunez ikasi dezaten partitura transkribatzen plataforman eskuragarri dauden audio- eta bideo-seinaleak erabiliz.

    Arlo tematikoak

    +

    Antolatzaileak

    Department of Culture and Language Policy. Basque Government
    Districts of Creativity (DC) Network

    Kolaboratzaileak

    Basque District of Culture and Creativity

    Koordinatzailea

    3walks
    • Pribatutasun Politika
    • Cookieen Politika
    Copyright 2024 CWF24 | Eskubide guztiak erreserbatuta
    • CWF24ri buruz
    • Txostena
    • Egitaraua
      • CWF 2024 Arlo Tematikoak
        • AT1 – Gobernantza eta KSIak
        • AT2 – Berrikuntza KSIekin eta haien barruan
        • AT3 – KSIetako enpresa eta merkatuak
        • AT4 – Hezkuntza eta ikerketa KSIetan
      • DC Living Labs
      • Hizlariak
    • Galderarik?
    • Non?
      • Euskadi ezagutu!
        • Bilbao
        • Donostia-San Sebastián
        • Vitoria-Gasteiz
      • Ekitaldien egoitzak
      • Hotelak
    • EU
      • EN
      • EU
      • ES
    • Zuzeneko emankizuna
    Creativity World Forum 2024
    Cookieen Baimena Kudeatu
    Esperientzia onenak eskaintzeko, cookieak bezalako teknologiak erabiltzen ditugu gailuaren informazioa biltegiratzeko eta/edo eskuratzeko. Teknologia hauetara baimena emateak gure webgunean nabigazio jokabidea edo identifikazio bakarrak prozesatzea ahalbidetuko digu. Baimenik ez emateak edo baimena kentzeak ezaugarri eta funtzio batzuetan eragin negatiboa izan dezake.
    Funtzional Always active
    Biltegiratze edo sarbide teknikoa zorrozki beharrezkoa da zerbitzu zehatz bat erabiltzeko, harpidedunak edo erabiltzaileak esplizituki eskatuta, edo komunikazio elektronikoen sare baten bidez komunikazio bat egiteko helburu bakarrerako.
    Hobespenak
    Biltegiratze edo sarbide teknikoa beharrezkoa da harpidedunak edo erabiltzaileak eskatu gabeko hobespenak gordetzeko helburu legitimoarentzat.
    Estatistikak
    Biltegiratze edo sarbide teknikoa, esklusiboki estatistika helburuetarako erabiltzen dena. Biltegiratze edo sarbide teknikoa, esklusiboki estatistika anonimoen helburuetarako erabiltzen dena. Agindu judizialik gabe, zure Interneteko zerbitzu hornitzailearen borondatezko betetzea edo hirugarren baten erregistro osagarriak gabe, helburu honetarako bakarrik gordetako edo berreskuratutako informazioa ezin daiteke zure identifikazioa erabiltzeko.
    Marketina
    Biltegiratze edo sarbide teknikoa beharrezkoa da erabiltzailearen profilak sortzeko publizitatea bidaltzeko, edo erabiltzailea webgune batean edo hainbat webguneetan zehar jarraitzeko marketin helburu antzekoetarako.
    Manage options Manage services Manage {vendor_count} vendors Read more about these purposes
    Hobespenak Ikusi
    {title} {title} {title}